Volk!! yn heale finale Liet 2019!

GROU - De Grouster Band Volk!! sit yn de heale finale fan it Fryske songfestival Liet 2019. Harren ferske 'Rinskje', is mei 14 oare ferskes oerbleaun. De finale fan Liet is op freed 15 november yn Neushoorn yn Ljouwert. Dêr sille 10 ferskes live spile wurde.
Tongersdei 3 oktober is Volk!! tusken 15.00 en 16.00 oere te gast yn it radioprogramma fan Femke de Walle op Omrop Fryslân. Se spylje dêr Rinskje en fertelle oer it ferske. De harkers kinne 2 acts nei de finale stimme. Harkje dêrom tongersdei en stim Volk!! nei de finale!
Yn it ramt fan Liet 2019 sille der op 11 oktober húskeamerkonserten wêze yn Grou. De dei wurdt ôfsluten mei in optreden fan Jack Bottleneck yn de Treemter.