Tryater spilet yn Grouster húskeamers

GROU - Tryater spilet dizze hjerst de foarstelling Doarp Europa op bysûndere lokaasjes by bedriuwen yn Fryslân. It publyk sit yn produksjehallen, wurkpleatsen en oplachromtes. De prolooch op de foarstelling is te sjen by Friezen thús. Op dizze jûnen binne trije fan de njoggen spilers te gast yn húskeamers.
Op woansdei 3 oktober om 20:00 oere is de prolooch fan Doarp Europa yn gearwurking mei Krite Grou te sjen by Peter van den Broek thús op de Foarplecht 3 en by Fraukje Bruggink op de Hoofdstraat 31, beide yn Grou. Der is beheind plak, kaarten binne needsaaklik. Dy kostje € 7,50 en binne allinne te keap fia tryater.nl en 058-2539550 (ti. en to. 14:00-17:00 oere).
De ‘grutte’ foarstelling is yn Grou te sjen op sneon 20 oktober om 20:00 oere en op snein 21 oktober om 15:00 oere by Van Vuuren Grou BV. Sjoch hjir foar kaarten foar de foarstelling by Van Vuuren.