Krite siket jongeren foar it jeugdtoaniel

GROU - Grousters Jan Arendz en Marijke Geertsma sille nei de hjerstfakânsje op 3 jûnen teaterworkshops foar de jeugd fersoargje! Dat jout Grouster jonges en famkes de mooglikheid harren aktear-skills te ûntwikkeljen foar in jûn mei ienakters. Dizze jûn is op sneon 28 maart 2020 by Oan ’t Wetter en wurdt folslein fersoarge troch dizze jeugdspilers. De ienakters wurde regissearre troch Alinda Talsma út Grou.
It repetearjen sil heal jannewaris begjinne en sa’n 10 wiken duorje oant de foarstelling. Sjoch hjir foar mear ynformaasje en opjefte.