Kofjekonsert Bauke & Campbell

GROU - Bauke út Dokkum en Campbell fan de Bahama’s fersoargje snein 12 novimber in kofjekonsert yn Grou. It begjint om 10.30 oere en is yn herberch Oer ‘t Hout.
Bauke en Campbell sjonge yn it Frysk en Stedsfrysk. Oer foarbije tiden, hjoed-de-dei, oer de bernsbern, de maitiid, de skoalle fan doe, fitness, de leafde, it libben, wêrom’t se beide Fries binne... en gean sa mar troch. Selsmakke en werkenbere lietsjes rjocht út it hert en mei oertsjûging brocht. Faak fleurich en mei humor, soms kritysk of earnstich. Fan flintertin oant spikerhurd. It libben lûkt oan jo foarby. Om koart te kriemen: lietsjes dy’t jo op it puntsje fan de stoel hâlde.
Organisaasje: Krite Grou. Leden: € 10,-. Net-leden: € 12,50. Der binne noch kaarten.